Si pasojë e një sulmi të forcave ruse në Vinnytsia të Ukrainës, mes viktimave është edhe katërvjeçarja Liz. Krimi i fundit i forcave ruse ka shkaktuar zemërim gjithandej botës.
Katërvjeçarja ishte një nga tre fëmijët e vegjël të vrarë të enjten, kur raketat ruse goditën qendrën e Vinnytsia, ndërsa nëna e saj, Irina Dmitrieva, u plagos rëndë në sulm.
Pak para se të godisnin raketat, nëna e vajzës Irina kishte postuar një video në internet. Ishte një ditë e bukur me diell dhe Liza e vogël ishte duke buzëqeshur, duke shtyrë karrigen e saj rozë përpara saj, ndërsa bisedonin për të shkuar tek logopedi i saj.
“Liza ishte shumë e gëzuar, i pëlqente të vinte tek ne. Ishte një fëmijë shumë i sjellshëm. Për nënën e saj ishte i gjithë kuptimi i jetës së saj. Ajo e donte atë çmendurisht. As që mund ta imagjinoj se çfarë tragjedie është për familjen”, tha Valeriia Korol për BBC.
Që nga fillimi i luftës, në Ukrainë janë raportuar qindra fëmijë të vrarë, si pasojë e sulmeve ajrore ruse.
© SYRI.net
Kurti: Për një periudhë 4-vjeçare, kemi mbi 87 mijë vende pune më shumë
Komandanti i KFOR-it: Ngjarjet e ndodhura vitin e kaluar në Kosovë cënuan sigurinë e rajonit
Mitsotakis paralajmëron qeverinë e re të Shkupit, masa për dhunën në shkollat greke, stadiume dhe familje
Denonco
Merrni lajmet më të fundit nga SYRI.net në çdo moment dhe kudo që të jeni!
