Presidentja e Kosovës, Vjosa Osmani, ka thënë se marrëdhëniet e Kosovës me Turqinë janë strategjike dhe se ky shtet është ndër partnerët kryesorë të Kosovës në NATO.
Në takimin e zhvilluar të dielën me ministrin e Jashtëm turk, Mevlut Çavusoglu, Osmani e ka përsëritur qëndrimin se anëtarësimi i Kosovës dhe rajonit në strukturat euroatlantike është domosdoshmëri.
“E vlerësoj maksimalisht mbështetjen e qartë të presidentit Erdogan ndaj anëtarësimit të Kosovës në NATO dhe organizata të tjera ndërkombëtare. Mbështetje të tillë nga Turqia na duhet edhe për anëtarësimin e Kosovës në Këshillin e Evropës”, ka shtuar më tej Osmani.
Në komunikatën e lëshuar nga Zyra e Presidentes, thuhet se Osmani dhe Çavusoglu në këtë takim kanë diskutuar edhe për zhvillimet aktuale në rajon dhe në Evropë, me ç’rast, është potencuar se integrimi i rajonit të Ballkanit Perëndimor në strukturat euroatlantike parandalon ndikimin rus në rajon dhe tendencën për destabilizim.
© SYRI.net
Sot përkujtohet 178-vjetori i lindjes së Naim Frashërit
Kapen 7 pako me kokainë në Portin e Durrësit, furgoni në itinerarin Shqipëri-Itali-Angli
‘Divorci paqesor’ i Republika Srpska - mësim për Kosovën dhe të gjithë!
Denonco
Merrni lajmet më të fundit nga SYRI.net në çdo moment dhe kudo që të jeni!
