Kryeministri britanik Johnson ditën e sotme vizitoi Kievin. Kjo është vizita e dytë e paparalajmëruar që ai ka bërë në Ukrainë gjatë luftës, pasi ai vizitoi më parë kryeqytetin në prill.
Zelensky dhe Johnson diskutuan për furnizimet me armë të rënda, tha shefi i zyrës së presidentit ukrainas.
Të dy liderët folën gjithashtu për sistemet e mbrojtjes ajrore, mbështetjen ekonomike për Ukrainën dhe sanksionet e mëtejshme ndaj Rusisë, shkruan Andriy Yermak në aplikacionin e mesazheve Telegram.
Ai vazhdon të shprehë mirënjohjen për vizitën e Johnson, duke thënë se të dy vendet kanë “qëllime të përbashkëta dhe një mirëkuptim se si t’i arrijnë ato”.
Kryeministri britanik ofroi fillimin e një operacioni të madh trajnimi për forcat ukrainase, thuhet në një deklaratë nga Downing Street.
Johnson citohet duke i thënë popullit të Ukrainës se “Mbretëria e Bashkuar është me ta derisa ata të triumfojnë”.
Kryeministri shtoi se sulmi barbar i Ukrainës vazhdon ndaj njerëzve krejtësisht të pafajshëm, me qytete dhe fshatra që janë kthyer në rrënoja.
Ai theksoi se ka prova të vazhdueshme për “shënjestrimin e qëllimshëm të civilëve në atë që është padiskutim një krim lufte”.
Në fund Johnnson tha se Britania e Madhe përshëndet heroizmin e forcave ukrainase.
© SYRI.net
Grabiste bashkë me kriminelin famëkeq maqedonas, arrestohet shqiptari në Greqi
“Gangsteri i Prishtinës”, kush është Enver Sekiraqa, i dënuar me 25 vjet burgim për nxitje të vrasjes së Triumf Rizës?
Kryeprokurori Isufaj për rastin e Enver Sekiraqës: Ne kemi bërë punën tonë
Denonco
Merrni lajmet më të fundit nga SYRI.net në çdo moment dhe kudo që të jeni!
