Në mbledhjen e sotme të Komisionit për Legjislacion është miratuar në parim Projektligji për Byronë Shtetërore për verifikimin dhe konfiskimin e pasurisë së pajustifikueshme.
Ministrja e Drejtësisë Albulena Haxhiu tha se Projektligji për Byronë Shtetërore për verifikimin dhe konfiskimin e pasurisë së pajustifikueshme, është në funksion të zhvillimit dhe konsolidimit të shtetit.
“Ky projektligj ka për qëllim se në rast se Byroja vlerëson qe dikush ka pasuri e cila është e pajustifikueshme kërkon nga ai zyrtar, që ta arsyetojë para Byrosë. Një nga debatet e shumta që është bërë në këtë drejtim ka qenë që do t’i vihet Byrosë për ta konfiskuar, por kjo nuk është e vërtetë, këtë e bën Gjykata Themelore në Prishtinë”, tha Haxhiu.
E anëtarja e këtij komisioni nga radhët e LVV-së, Doarsa Kica-Xhelili tha se derisa luftimi i krimit dhe korrupsionit janё treni ynё i fundit qё tё kёndellim shoqёrinё, ёshtё detyrё po aq e rёndёsishme e jona qё tё sigurohemi se janё ndёrmarrё tё gjitha garancionet e mundshme ligjore tё pamundёsimit tё shfrytёzimit tё kёsaj Byroje pёr qёllime jolegjitime.
Ajo tha se nuk pajtohet që frikë duhet të kenë veq ata që kanë bërë krime.
“Në parim krejt po e dim qka është synimi i këtij projektligji, po dojmë mi ndjek të gjithë ata që kanë përfituar në mënyrë të kundërligjshme. Nuk pajtohem me kolegun që duhet të firkësohen veq ata që kanë bërë krime, sepse ke qytetarë të thjeshtë laik-juridik që i frikësohen zbatueshmërisë jo pse kanë kryer krime, por që nuk po e dinë zgjerueshmërinë dhe aplikueshmërinë e këtij ligji”, u shpreh Kica-Xhelili.
Ajo shtoi se nuk duhet të merret frika si diqka negative.
“Përkudërazi mendoj që frika është mënyra e vetme që evitohen qysh në start problemet në zbatueshmërinë e ligjit më vonë”, tha deputetja e LVV-së.
Ajo shtoi se ky projektligj, ёshtё ndёr ligjet me ndjeshmёrinё mё tё lartё tё kёsaj qeverie, qe nёnkupton pёrkitazi, ndjeshmёrinё mё tё lartё edhe tё Komisionit pёr Legjislacion nё aspekt tё trajtimit pёrmbajtёsor.
Ndryshe opozita ka konsideruar se Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme është antikushtetues. Sipas tyre, ekzekutivi nuk ka interes për të bërë një ligj të tillë dhe se nëse dërgohet në kushtetuese do të bie poshtë.
© SYRI.net
Kurti në Samitin BE-Ballkani Perëndimor: Presim njohje reciproke nga të gjitha vendet e rajonit
O’Brien: Këtë vit, vendet që i përmbushin reformat do t’i bashkohen tregut unik evropian
Kurti në Samitin e Kotorrit ku është edhe Vuçiqi e kërkon dorëzimin e Radoiçiqit
Denonco
Merrni lajmet më të fundit nga SYRI.net në çdo moment dhe kudo që të jeni!
