Ministrja e Arsimit, Shkencës dhe Teknologjisë, Arbërie Nagavci, ka folur për situatën me COVID-19 në sistemin parauniversitar.
Në Kuvendin e Kosovës, ajo ka theksuar se gjatë tërë kohës kanë punuar që të ketë menaxhim të koronavirusit.
“Ministria e Arsimit, Shkencës dhe Teknologjisë ka ndërmarrë veprime konkrete që mësimi të zhvillohet në të gjitha nivelet sipas kushteve dhe respektimit të masave të vendosura nga IKSHPK, po ashtu edhe duke i respektuar të gjitha vendimet e Qeverisë së Kosovës”, ka thënë Nagavci.
Tutje, ajo ka theksuar se ka shkolla të cilat mësimin janë duke e zhvilluar online, por ka edhe shkolla të tjera që mësimin janë duke e zhvilluar fizikisht.
“Për më shumë në ministri i pranojmë raportet ditore për situatën, në bazë të raportit të ditë së sotme, nga 775 institucione edukative arsimore, janë 90 shkolla që punojnë sipas skenarit C. Ndërsa sa i përket rasteve aktive, 1,489 mësimdhënës janë pozitivë me COVID-19, 187 individë janë personel tjetër, si dhe 6,684 nxënës që janë pozitiv dhe janë të izoluar”, ka deklaruar Nagavci.
© SYRI.net
Moti sot, temperaturat arrijnë deri 17 gradë
Krejt çka u tha dje në takimin trepalësh në Bruksel
Mblidhen 4 komisione parlamentare sot në Kuvendin e Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
