Një aksident i rëndë trafiku ka ndodhur sonte në Zajm të Klinës.
Klina.info ka dhënë detaje dhe ka publikuar pamje nga vendi i ngjarjes.
Dyshohet se 2 persona kanë vdekur, ndërsa nga burimet e portalit mësohet se viktimat janë babë e bir.
Djali është 8 vjeç dhe të dy janë nga fshati Qupevë.
Ndryshe, Policia dhe njësitet përkatëse po merren me rastin.
Rastin e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili ka konfirmuar se dy persona kanë ndërruar jetë si pasojë e lëndimeve të marra nga aksidenti.
“Rreth orës 18:25, policia është njoftuar për një aksident në magjistralen Prishtinë-Pejë. Në aksident janë përfshirë një kamion dhe një veturë. Si pasojë e aksidentit, dy persona të lënduar që janë nisur për në Spitalin Rajonal në Pejë, kanë arritur në spital fatkeqësisht pa shenja jete”, ka thënë Gashi.
Lexo edhe: https://www.syri.net/syri_kosova/lajme/330347/konfirmohet-nga-policia-dy-te-vdekur-ne-aksidentin-ne-kline/
© SYRI.net