Kryetari i Lidhjes Demokratike të Kosovës, Lumir Abdixhiku duke uruar të gjithë besimtaret e krishterë, ka thënë se Krishtlindja e sivjetme përveç se na rikujton harmoni, na forcon dhe paqen e begatinë aq të nevojshme ndërshoqërore.
Abdixhiku ka shkruar në Facebook se shqiptarët e Kosovës, kanë qenë gjithherë shembull për harmoninë fetare si vlerë nacionale e jona.
Postimi i plotë:
Sonte, të gjithë besimtarët e krishterë, shënojnë e festojnë Krishtlindjen. Kjo natë e fundvitit është natë e shpresës dhe mbjelljes së harmonisë ndaj njëri tjetrit; është natë e mëshirës e mbi të gjitha e sakrificës për Zotin.
Kosova, shqiptarët e Kosovës, kanë qenë gjithherë shembull për harmoninë fetare si vlerë nacionale e jona. Prandaj Krishtlindja e sivjetme përveç se na rikujton këtë harmoni, na forcon dhe paqen e begatinë aq të nevojshme ndërshoqërore.
Uroj që kjo Krishtlindje, familjet tuaja t’i gjej me shëndet paqe e mirësi; që dhurata e vërtetë që merrni në këtë festë të jetë koha e lumtur që kaloni me ta. Uroj që kjo natë e kjo festë të gjej vendin tonë në harmoni e begati.
Në emër të gjithë neve në Lidhjen Demokratike të Kosovës, për shumë mote, Gëzuar Krishtlindjen!
© SYRI.net
Përplasjet për masat, këshilltari i Kurtit kritikon Bashkimin Evropian: Ndoshta duhet hetuar
Enver Sekiraqa dënohet me 25 vjet burgim
Osmani: Beteja kundër lajmeve të rreme dhe dezinformatave nuk ka qenë kurrë më urgjente
Denonco
Merrni lajmet më të fundit nga SYRI.net në çdo moment dhe kudo që të jeni!
