Nesër pritet të lehtësohen masat me rekomandimin e Komitetit për Menaxhimin e Pandemisë, ka thënë sot Vesel Krasniqi, ministër i Tregtisë dhe Industrisë.
Krasniqi, i cili sot është takuar me drejtuesit e Shoqatës së Gastronomëve të Kosovës, ka nënvizuar se Qeveria e Kosovës pritet t’i lehtësojë masat e vendosura më parë nga ekzekutivi me qëllim parandalimin e përhapjes së pandemisë.
“I njoftova Shoqatën e Gatronomëve, se nesër do të jetë mbledhja e komitetit ndërministror kur do të shqyrtohen masat antiCOVID të cilat priten të lehtësohen”, ka thënë Krasniqi përmes një shkrimi të publikuar në Facebook.
Ministri i Tregtisë, po ashtu ka thënë se kërkesa e gastronomëve ishte që të lejohej shërbimi brenda dhe të hiqet kufizimi i orarit që është në fuqi aktualisht.
“Kam pritur edhe sot në takim drejtuesit e Shoqatës së Gastronomëve të Kosovës me të cilët kemi diskutuar për problemet e këtij sektori dhe mundësinë e lehtësimit të masave. Gastronomët edhe një herë kërkuan që të lejohet shërbimi brenda, duke u respektuar masat në lokale dhe të hiqet kufizimi i orarit që aktualisht është në fuqi”, ka deklaruar ministri.
© SYRI.net
AAK-ja s’pajtohet me PDK-në, të premten kërkojnë shkarkimin e Kurtit e jo shpërbërjen e Kuvendit
Kusari-Lila: S’ka kërkesë zyrtare për shpërndarje të Kuvendit, duhet të ketë unitet mes opozitës
PDK: Vendi të shkojë në zgjedhje të parakohshme me 30 qershor ose 7 korrik, qeveri e dobët dhe denigruese
Denonco
Merrni lajmet më të fundit nga SYRI.net në çdo moment dhe kudo që të jeni!
