Mis Nepali, Jane Dipika Garrett, bëri histori në moshën 22-vjeçare pasi u kthye në finalisten e parë plus-size të Miss Universe. Mbretëresha e bukurisë u prit me ovacione në sallë kur u shfaq me rroba banje, ndërsa klipet e pasarelës së saj mblodhën miliona shikime në mediat sociale.
E reja, e cila donte të bëhej Miss Universe e parë mbipeshë, ishte ndër 20 finalistët e fundit të edicionit të 72-të, që u zhvillua vjeshtën e kaluar në El Salvador.
Në fushatën e saj reklamuese, Jane vendosi të ndryshojë stereotipet e bukurisë dhe të provojë se gratë janë të bukura pavarësisht nga numri i kilogramëve: "Si një femër e kolme që nuk i përshtatet modeleve të pranuara të bukurisë, unë jam këtu për të përfaqësuar të gjitha gratë. Nuk ka vetëm një lloj bukurie!”, tha ajo.
Pas pjesëmarrjes në Miss Universe, Jane u bë jashtëzakonisht e njohur dhe u ftua në një sërë programesh televizive, dha intervista dhe nënshkroi disa kontrata reklamash. “Vërtet nuk e prisja të më duartrokisnin kaq shumë në skenë apo të isha në qendër të vëmendjes”, tha ajo për Fox News Digital, duke iu referuar bujës që shkaktoi gjatë veshjes së rrobave të banjës dhe nuk prisja asgjë vetëm atje për të përfaqësuar vendin tim dhe për të përfaqësuar gratë anembanë botës dhe ky ishte qëllimi im”.
Por ndërkohë, Jane rrëfeu se vuan nga sindroma e vezores policistike ose PCOS. Ajo pohoi se kishte shtuar shumë në peshë për shkak të problemeve hormonale, të cilat i kishin ndikuar në shëndetin mendor dhe vetëbesimin, ndërsa nuk kanë munguar edhe komentet negative e dashakeqe për peshën e saj. Tani, prej gati një muaji ka nisur palestrën dhe po ndjek një dietë të përcaktuar nga specialist, ndërsa e ndan edhe me ndjekësit transformimin që po pëson.
© SYRI.net
Martohet çifti i Big Brother VIP Kosova, Urimi dhe Alisa
Kush është biznesmenia që i ka rrëmbyer zemrën? Amos Zaharia e zbulon për herë të parë
'Po më bëhesh si Meritoni, po e shqyen fytyrën' – debaton Egla me Romeon
Denonco
Merrni lajmet më të fundit nga SYRI.net në çdo moment dhe kudo që të jeni!
