Blogerja e njohur, Chiara Ferragni po përballet me kritika të shumta ditët e fundit, pas çmimit të “Luanit të artë” të dhënë nga kryetari i bashkisë së Venecias, Luigi Brugnaro.
Të shumtë janë ata që shprehen se kontributi i Chiara-s për promovimin e Italisës, s'ka lidhje me figurën e blogeres.
Një ndjekës i shkruan: "Nga gjëra të tilla, ne e kuptojmë se sa ka rënë Italia dhe ka humbur besueshmërinë ... luani i artë për një bloger .... ku do të përfundojmë".
Ndërsa një tjetër thotë: "Përkrahëse e madhe e Italisë? Por dje e ke quajtur "një vend m*ti" ... klloun".
Ajo u nderua me këtë çmim për “angazhimin qytetar të demonstruar për Italinë në këtë periudhë të jashtëzakonshme, duke u kujtuar të gjithëve bukuritë me të cilat arti, kultura dhe tradita italiane janë të pasura dhe për zgjedhjen e qytetit të Venecias si një thesar për ta bërë të njohur për publikun e saj ndërkombëtar”.
Me anë të një foto, blogerja shkruan se ky është vetëm fillimi dhe se ajo është një nga mbështetëset më të madha të turizmit në Itali./Syri.net/
© SYRI.net