COVID-19 – Vala e tetë godet Francën

14:52, 13/09/2022

Në vetëm një javë, rastet me Covid-19 u rritën me 33%, sipas “Santé Publique France”. “Një valë e tetë po afron, duhet të jemi vigjilentë dhe tu bëjmë thirrje qytetarëve të jenë përgjegjës”, deklaroi sot ministri i Shëndetësisë, François Braun.

Aktualisht, raportohen rreth 17 000 raste të reja me Covid-19 çdo ditë. Midis të dielës dhe të hënës ka pasur 4 579 raste të reja, krahasuar me 16 422 një ditë më pare.

Shkalla e incidencës vijon të rritet, duke arritur në 178 raste për 100 mijë banorë krahasuar me 173 dy ditë më parë. Numri i infeksioneve tek fëmijët nën 10 vjeç mbetet veçanërisht i lartë.

Nëse varianti aktualisht në qarkullim, BA5, është më pak i rrezikshëm se ai i mëparshmi, ai është shumë ngjitës. Aktualisht, nën kujdesin intensiv në France janë 13183 pacientë.