FDA miraton dozën e dytë të vaksinës Johnson & Johnson

FDA miraton dozën e dytë të vaksinës Johnson & Johnson

16:39, 16/10/2021

Një ditë pasi një paneli i këshilltarëve të Administratës së Ushqimit dhe Barnave miratoi  dozat e treta të vaksinës COVID-19 të Modernës, komiteti votoi njëzëri një dozë të dytë Johnson & Johnson.

Paneli me 19 anëtarë FDA-së votoi për marrjen e një doze të dytë për rreth 15 milionë njerëz në Shtetet e Bashkuara që kanë marrë dozën e parë të vaksinës J&J.

Ky vendim vjen pas polemikave se një dozë e vaksinës është më pak efektive sesa mendohej më parë.

Shkencëtarët kryesorë të kompanisë pranuan se kishte hapësirë ​​për të përmirësuar efektivitetin e vaksinës për të arritur efektivitetin e vaksinave të tjera. Vaksina Johnson & Johnson ka treguar se nuk është aq mbrojtëse sa vaksinat Pfizer ose Moderna thotë Dr. Arnold Monto, profesor i shëndetit publik dhe epidemiologjisë në Universitetin e Miçiganit.

Zyrtarët e J&J i thanë panelit këshillues se doza e dytë do të ndihmonte në rritjen e mbrojtjes imune të njerëzve duke filluar 2 deri në 6 muaj pas dozës së tyre të parë.

Zyrtarët amerikanë të shëndetësisë kanë qenë nën presion për të autorizuar dozat përforcuese pasi Shtëpia e Bardhë njoftoi planet në Gusht për një një zgjerim të fushatës së vaksinimit.

© SYRI.net

Lexo edhe:

Komentet

Shto koment

Më të lexuarat
Denonco