Mjekët indianë: Mos e lyeni veten me bajgë lope, nuk të ndihmon

15:26, 11/05/2021

Kreu i Shoqatës Indiane të Mjekëve paralajmëroi bashkatdhetarët e tij që të mos praktikojnë lyerjen e trupit me bajgat re lopës si një trajtim kundër koronavirusit, sepse numri i të sapo infektuarve arrin një maksimum të ri. Në të njëjtën kohë, Organizata Botërore e Shëndetësisë ka përcaktuar llojin indian të virusit si një variant shqetësimi.

Ndërsa sistemi spitalor arriti një pikë shpërthimi, mjekët përsëritën paralajmërimin për trajtime alternative dhe masa parandaluese që janë bërë të njohura në të gjithë Indinë.

Praktika e përdorimit të një përzierje të bajgave të lopës dhe urinës në lëkurë dhe pritja që ajo të thahet, para se ta lani me qumësht, ka shqetësuar veçanërisht mjekët në Indi.

"Nuk ka asnjë provë konkrete shkencore që bajga e lopës ose urina ka efekt të rritjes së imunitetit ndaj koronavirusit, ajo bazohet tërësisht në besim," i tha Reuters Jr JA Jaialal, kreu i Shoqatës Mjekësore Indiane.

"Ekzistojnë gjithashtu rreziqe shëndetësore që lidhen me njollosjen ose konsumimin e këtyre 'përgatitjeve' - sëmundje të tjera mund të përhapen nga kafshët te njerëzit," shtoi ai.

Për hindusët, të cilët përbëjnë rreth 80 përqind të popullsisë së Indisë, lopa është një kafshë e shenjtë dhe shfaqet në disa rituale fetare. Mbetjet e lopëve përdoren madje për të pastruar shtëpitë dhe në ritualet e lutjes.