Instituti Kombëtar ka publikuar të dhënat e fundit të pandemisë në nivel vendi, dhe ajo që shqetësonte është numri i vdekjeve. 16 qytetarë të vendit janë shpallur të vdekur pas infektimit me koronavirus në 24 orët e fundit. Por, çka thonë shifrat për dy javët e fundit?
Përveç 22 marsit, datë veçanërisht e kobshme ishte edhe 15 marsi, e po ashtu edhe 9 marsi kur numri i të vdekurve ishte dyshifror. Në njërin rast, ishin 16 të vdekur, dhe në dy datat e tjera nga 13.
Nëse mblidhen bashkë të gjitha ditët e dyjavëshit të fundit sipas të dhënave të IKShPK-së, del se në vendin tonë kanë vdekur si pasojë e infektimit me Covid-19 plot 121 qytetarë.
Një shifër e tillë pa dyshim se nxit shqetësimet për masa të reja shtesë kundër përhapjes së infektimeve.
Shifrat e të vdekurve:
16 – 22 mars
8 – 21 mars
8 – 20 mars
8 – 19 mars
5 – 18 mars
8 – 17 mars
8 – 16 mars
61 të vdekur në javën e fundit
13 – 15 mars
6 – 14 mars
8 – 13 mars
6 – 12 mars
8 – 11 mars
6 – 10 mars
13 – 9 mars
60 të vdekur në javën e parafundit
© SYRI.net