Gjysma e popullsisë së rritur në Mbretërinë e Bashkuar, ka marrë dozën e parë të vaksinës COVID-19, njoftoi Ministri i Shëndetësisë të shtunën, duke paralajmëruar një “sukses të madh” për vendin, i cili ka pasur numrin më të lartë të vdekjeve në Evropë gjatë pandemisë.
“Unë jam absolutisht i kënaqur t’ju them se tani kemi vaksinuar gjysmën e të rriturve në Mbretërinë e Bashkuar. Është një sukses i madh”, tha Matt Hancock në një video të postuar në Twitter.
Ai falenderoi ata që u përfshinë në fushatën e gjerë të vaksinimit që filloi në fillim të dhjetorit.
“Është e rëndësishme sepse kjo vaksinë është rruga jonë për të dalë nga kjo pandemi", tha ministri, duke inkurajuar popullsinë të vaksinohet.
Mbretëria e Bashkuar, ka administruar më shumë se 26 milionë doza të para të vaksinave të COVID-19. Vetëm të enjten u injektuan 660.276 doza të vaksinës.
Ndërkohë, kryeministri Borin Johnson, mori dozën e parë të vaksinës AstraZeneca të premten, pas konfirmimeve nga rregullatorët e Mbretërisë së Bashkuar dhe BE-së mbi sigurinë e saj.
Kryeministri u vaksinua në Spitalin "St Thomas" në Londër, ku kaloi tre ditë në kujdes intensiv në prill të 2020, pasi u infektua me COVID-19.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
