Gjermania dhe Suedia miratojnë vaksinën e AstraZeneca, edhe për ata mbi 65 vjeç

15:03, 04/03/2021

Komisioni i vaksinave të Gjermanisë tani ka rekomanduar vaksinën e AstraZeneca/Oxford për Covid-19, edhe për njerëzit mbi moshën 65 vjeç.

“Komisioni i vaksinave tani rekomandon vaksinën AstraZeneca edhe për njerëzit mbi 65 vjeç. Ky është një lajm i mirë për njerëzit e moshuar që po presin të marrin vaksinën”, tha ministri i shëndetësisë, Jens Spahn.

Gjermania kishte thënë më parë se nuk kishte të dhëna të mjaftueshme për të miratuar vaksinën për njerëzit e moshuar, por ka ndryshuar pozicionin e saj pas studimeve të fundit.

“Të dhënat e reja tregojnë gjithashtu se vaksina është edhe më efektive kur doza e parë dhe e dytë administrohen brenda 12 javësh”, citohet të ketë thënë Spahn.

Përveç Gjermanisë, bëhet e ditur se edhe Suedia gjithashtu ka zgjatur rekomandimin e saj për vaksinën AstraZeneca/Oxford për Covid për njerëzit e moshës mbi 65 vjeç.

Së bashku me një numër vendesh të tjera evropiane që tani po ndryshojnë politikën e tyre, Suedia më parë kishte ndaluar rekomandimin e vaksinës për të moshuarit, duke përmendur mungesën e hulumtimeve mbi atë grup. 

© SYRI.net

Lexo edhe:

• Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
• Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
• VIDEO/ Nador Bakalli: Pa votën e diasporës kjo mazhorancë nuk shkulet