Pandemia nxjerr në shesh varfërinë e fshehur në Japoninë e pasur

09:24, 19/01/2021

Yuichiro u gëzua pasi mori një pako ushqimore nga një aktivitet në Tokio që ofronte ndihmë për numrin në rritje të japonezëve të shtyrë në varfëri nga pandemia e koronavirusit.

 "Nuk ka punë. Absolutisht asnjë punë", tha 46-vjeçari, deri vonë një punëtor ndërtimi, ndërsa lidhte një qese të vogël plastike me gjërat e domosdoshme në një rrugë të ftohtë dimri në kryeqytet.

"Kjo nuk raportohet shumë në media, por shumë njerëz po flenë në stacione treni dhe në kuti kartoni. Disa po vdesin nga uria."

Ekonomia e tretë më e madhe në botë ka parë një shpërthim relativisht të vogël koronavirusi deri më tani, me rreth 4,500 vdekje dhe kryesisht pa bllokimet drastike të vërejtura në vendet e tjera.

Me një normë papunësie nën tre përqind dhe një reputacion për një rrjet të fortë sigurie shoqërore, Japonia gjithashtu duket e vendosur mirë për të përballuar pasojat ekonomike të pandemisë. Por aktivistët thonë se më të prekshmit janë goditur rëndë, me statistikat që maskojnë shkallën e lartë të papunësisë dhe punën e përkohshme të paguar dobët.

"Pandemia, rritja e papunësisë dhe rënia e pagave kanë goditur drejtpërdrejt të varfërit që punojnë, njerëzit që mezi e shtynin më parë," tha Ren Ohnishi, i cili kryeson Qendrën Mbështetëse Moyai për Jetesë të Pavarur, një grupim kundër varfërisë. Rreth 40 përqind e punëtorëve janë në punë të rrezikuara "jo të rregullta" me paga dhe kontrata që mund të përfundojnë lehtësisht. Shumë gjithashtu luftojnë për të arritur mirëqenien.

Kurse Yuichiro, i cili nuk i dha mbiemrin e tij,  tha se ai u dërgua nga një zyrë qeveritare në tjetrën përpara se t'i thuhej se ndihma ishte vetëm për njerëzit me fëmijë. "Por ka shumë të rritur që nuk janë në gjendje të hanë," tha ai.

'Litari sapo u këput'

Më shumë se 10 milionë njerëz në Japoni jetojnë me më pak se 19,000 dollarë në vit, ndërsa një në gjashtë jeton në "varfëri relative" me të ardhura më pak se gjysma e mesatares kombëtare. Ekonomistët thonë se gjysmë milioni japonezë i humbën vendet e tyre të punës në gjashtë muajt e fundit dhe aktivistët thonë se efektet  po përhapen në të gjithë popullsinë.

© SYRI.net

Lexo edhe:

• Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
• Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
• VIDEO/ Nador Bakalli: Pa votën e diasporës kjo mazhorancë nuk shkulet