Koronavirusi brenda tri ditësh iu merr jetën dy vëllezërve shqiptarë

12:13, 02/12/2020

Një ngjarje e rëndë ka ndodhur në një familje shqiptare në Kosovë ku dy vëllezër kanë humbur jetën brenda tre ditësh nga koronavirusi.

Lajmin për ndarjen e tyre nga jeta e ka dhënë deputeti i PDK-së, Gazmend Bytyqi, i cili shkruan se Adnan Bucaliu ka humbur jetën nga Covid dhe vetëm tre ditë pas tij ka humbur jetën edhe i vëllai  Agroni.

Deputeti i PDK-së i cili kishte lidhje miqësie me Adnanin e ka përshkruar atë si shok e njeri me zemër të madhe.

“Lajm i rëndë

Mbrëmë mora lajmin e kobshëm, se vdiq Adnan Bucaliu, tri ditë pasi i vdiq edhe vëllai, Agroni.

Adnani ishte shok e njeri i mirë, me zemër të madhe e të bardhë.

Gjithmonë ishte i veçantë, jo vetëm për familjen, por edhe për mua e shoqërinë tonë, përgjithësisht.

Me zemër të thyer u shpreh ngushëllime familjes Buacliu dhe gjithë shoqërisë sonë të përbashkët.

Adnani e Agroni paçin qetësi në botën e përtejshme e të përjetshme, familjes ngushëllime nga thellësi e shpirtit”, shkruan deputeti.

© SYRI.net

Lexo edhe:

• Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
• Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
• VIDEO/ Nador Bakalli: Pa votën e diasporës kjo mazhorancë nuk shkulet