Bruksel - Komisionerja e Shëndetit e Bashkimit Evropian, Stella Kyriakides, tha se BE ishte në bisedime me kompaninë Moderna për të siguruar doza të vaksinës së saj për COVID-19, por negociatat nuk kishin përfunduar ende.
“Negociatat me kompaninë janë duke vazhduar. Ne ende nuk kemi lidhur ose nënshkruar një kontratë,” u tha Kyriakides ligjvënësve të BE në një seancë të rregullt dëgjimore.
Ndërkohë, Kuriakides njoftoi në Tëitter se të martën “do të aprovojmë kontratën tonë të 5-të të vaksinave COVID-19 me kompaninë CureVacRNA, duke zgjeruar më tej portofolin tonë të vaksinave të mundshme të sigurta dhe efektive.
Strategjia e rrumbullakët e vaksinave të BE-së është një provë konkrete dhe e prekshme e asaj që mund të arrijmë kur punojmë së bashku, në një Bashkim Shëndetësor të BE-së.”
Lajmin po ashtu e konfirmoi edhe Presidentja e Komisionit Evropian, Ursula vond der Leyen. Ajo shkroi në Twitter: “Ne vazhdojmë të punojmë për të siguruar vaksina të sigurta dhe efektive për t'i dhënë fund pandemisë. Jam e lumtur të shpall një marrëveshje të re për të blerë deri në 405 milion doza të një vaksine të prodhuar nga kompania evropiane CureVacRNA.”
© SYRI.net