Ish-deputetja demokrate, Orjola Pampuri, e ftuar në Çim Peka LIVE, iu përgjigj pretendimeve se testimet për koronavirusin nuk janë shumë të rëndësishme.
Ajo tha se testimet janë shumë të rëndësishme dhe solli rastin e gazetares Eva Kushova, të cilës i vdiq vjehrra nga koronavirusi.
“Është i jashtëzakonshëm i rëndësishëm testimi.
Po e konkretizoj me rastin e gazetares, pasi u bë publik rasti i vjehrrës së saj. Vjehrra kishte bërë tamponin dhe përgjigjia i erdhi kur ajo kishte humbur jetën.
Rëndësia e testimeve është e jashtëzakonshme për të marrë masa. Ka pacientë që vijnë në spitale në gjendje të agravuar pasi testet u janë bërë me vonesë dhe përgjigjet u kanë ardhur me vonesë dhe mjekimet u kanë ardhur me vonesë.
E gjithë bota i mëshon faktit që duhen testime, e thotë edhe OBSH.
Shqiptarët po enden rrugëve dhe nuk kanë lekë të paguajnë paratë e kurimit dhe ju po e mohoni,” tha ajo.
Sipas saj, profesorët thonë se situata është në kolaps.
© SYRI.net