Donacionet për Komunën e Kamenicës janë duke vazhduar. Kësaj rradhe, drejtoresha e Shëndetësisë dhe Mirëqenies Sociale, Suna Zajmi-Krasniqi, së bashku me mjekë nga QKMF, kanë pranuar donacion nga Forcat e Sigurisë së Kosovës.
Ky donacion i deleguar për nevoja të Qendrës Kryesore të Mjekësisë Familjare përfshinë: Maska kirurgjike, maska me valvul, dorëza mikse, mantille një përdorimshe, kapela kirurgjike, si dhe syze mbrojtëse.
I pari i komunës, Qëndron Kastrati, ka shprehur mirënjohje të thellë për të gjithë ata që po vazhdojnë të mbështesin komunën tonë, në këtë rast Forcën e Sigurisë së Kosovës.
“Tejet falënderues dhe mirënjohës ndaj të gjithë atyre që në këtë kohë pandemie, po tregojnë shkallën më të lartë të mirësisë. FSK-ja si çdoherë tjetër po vazhdon të angazhohet që sigurinë të na ofroj në të gjitha format. Këto mjete mbrojtëse, do t’ia lehtësojnë punën stafit të QKMF-së, të cilët po vazhdojnë të jenë në vijën e parë të frontit”, u shpreh mes tjerash Kastrati.
Drejtoresha, Suna Zajmi-Krasniqi ka falënderuar FSK-në për donacionin e dhuruar në këtë kohë pandemie, e që do t’i ndihmojë mjaft shumë stafit mjekësor.
“Jemi mirënjohës ndaj të gjithë atyre që vazhdojnë të na ndihmojnë, veçanërisht FSK-në që gjithmonë shfaq gatishmërinë për të na ndihmuar. Këto mjete të dhuruara do të shfrytëzohen nga stafi mjekësor për tu përballur me pandeminë dhe për t’i ofruar shërbime më të sigurta qytetarëve”, shtoi ajo.
© SYRI.net
Strazimiri: Ndërkombëtarët faktuan se Basha është një mashtrues, reforma zgjedhore do të bëhet me konsensus
Vizita e Klinton/ Ngjela: Kisha ftesë po nuk vajta se kisha frikë se më lënë në këmbë
VIDEO/ Nador Bakalli: Pa votën e diasporës kjo mazhorancë nuk shkulet
Denonco
Merrni lajmet më të fundit nga SYRI.net në çdo moment dhe kudo që të jeni!
