Zv.Presidenti amerikan Mike Pence ka vizituar një spital kryesor në SHBA pa veshur maskë, pavarësisht rregullave të vetë qendrës mjekësore që vizitorët duhet të veshin pajisje personale mbrojtëse.
Z. Pence dukej se ishte personi i vetëm i pranishëm pa maskë në fytyrë në klinikën Mayo në Minesota.
Në një mesazh në Twitter të fshirë më pas, klinika tha se Zv.Presidenti ishte njoftuar paraprakisht për politikën e saj që kërkon me detyrim mbajtjen e maskës.
Z. Pence drejton grupin eTask Force për koronavirusin në Shtëpinë e Bardhë.
Ai e mbrojti vendimin e tij si të domosdoshëm në mënyrë që të takohej me stafin dhe pacientët.
Ideja e tij ishte se njerëzit duhet të mbajnë maska në fytyrë "në ambiente publike ku masat e tjera distancuese sociale janë të vështira për t'u mbajtur".
Klinika Mayo vetë kërkon që të gjithë pacientët dhe vizitorët në qendrat e saj mjekësore të veshin një maskë ose mbulesë fytyre.
© SYRI.net