Çfarë po ndodh? Zelenski kritikon për herë të parë publikisht kryebashkiakun e Kievit

08:34, 26/11/2022

Volodymyr Zelenski ka kritikuar për herë të parë publikisht kryebashkiakun e Kievit për sigurimin e strehimoreve emergjente, në shenjë pakënaqësie midis lidërve ukrainas që nga fillimi i pushtimit rus.

Presidenti tregoi se Vitali Klitschko , legjenda e boksit, e kthyer në politikan, nuk kishte bërë mjaftueshëm për të ndihmuar banorët e kryeqytetit të përballen me goditjet më shkatërruese të luftës të Moskës.

Shumica e rajoneve anembanë Ukrainës janë ndikuar nga ndërprerjet e energjisë elektrike këtë javë por  Zelenski tha se "problemet më të mëdha" ishin në Kiev.

“Për fat të keq, autoritetet lokale nuk kanë performuar mirë në të gjitha qytetet”, tha ai në fjalimin e tij të natës me video.

"Në veçanti, ka shumë ankesa në Kiev, ku nevojitet më shumë punë."

Zelenskyy tha se shumë nga banorët e Kievit kishin mbetur pa energji "për 20 apo edhe 30 orë" dhe bëri thirrje për "më shumë mbështetje" dhe "punë cilësore" nga zyra e kryetarit.

Në vazhdën e bombardimeve ajrore të Rusisë mbi infrastrukturën energjetike të fqinjit të saj, një përpjekje e dukshme cinike për të shkaktuar dëme maksimale ndërsa afrohet dimri, Ukraina ka ngritur "qendra të pathyeshme".

Këto janë strehimore emergjente ku njerëzit mund të kenë qasje në ngrohje, ujë, internet dhe shërbim të telefonisë celulare.

Më shumë se 4,000 janë ngritur deri më tani, por - sipas Zelenskyy - jo të mjaftueshme në Kiev.

Klitschko, një fytyrë kyçe e rezistencës ukrainase që nga fillimi i pushtimit të plotë të Vladimir Putin në shkurt, nuk i është përgjigjur kritikave të presidentit të tij.

Ndërkohë, operatori kombëtar i rrjetit të energjisë Ukrenergo tha se inxhinierët e tij "po punojnë gjatë gjithë kohës" për të rivendosur furnizimin me energji, por 30% janë ende jashtë pavarësisht rilidhjes së katër termocentraleve bërthamore të Ukrainës.

 

 

© SYRI.net

Lexo edhe:

• Ukrainasit sërish sulmojnë me dron një rafineri nafte në Rusi
• Diskutimi me Blinken/ Netanyahu nuk bindet: Lufta nuk do të ndalet në Gaza!
• Protestat pro-palestineze në universitetet amerikane, rreth 300 të arrestuar në New York