Arabia Saudite mbylli sot shkollat në disa zona, ku shirat e dendura shkaktuan përmbytje të shpejta dhe bllokuan disa rrugë.
Në provincën qendrore të Qasim, një nga më të goditurat gjatë natës, imazhet tregojnë automjete pjesërisht të përmbytura pas shiut.
Një banor i Buradijah, kryeqyteti i provincës, i tha AFP se shi i madh ra vazhdimisht për shtatë orë, pothuajse deri në mesnatë. Ai tha se para shtëpisë së tij ishin grumbulluar shumë ujë nga të cilët nuk mund të dilnin, si dhe kishte bubullima të forta dhe shumë vetëtima.
Qendra Kombëtare Meteorologjike ka lëshuar paralajmërime të kuqe për Qasim dhe zona të tjera, veçanërisht për Provincën Lindore, kryeqytetin Riad dhe provincën Medina, e cila është përballë Detit të Kuq.
Priten reshje të dendura shiu të shoqëruar me erëra të forta, dukshmëri të ulët, breshër dhe bubullima, thuhet në paralajmërim.
Shkollat në Provincën Lindore dhe Riad janë mbyllur dhe mësimet mbahen online.
Në Riad, rrugët janë të rrëshqitshme, por trafiku nuk është ndërprerë.
Shiu dhe përmbytjet nuk janë të rralla në Arabinë Saudite, veçanërisht në dimër, dhe qytetet e mëdha si Jeddah shpesh kanë probleme me kullimin e ujit.
Përmbytjet në atë qytet ndodhin çdo vit dhe banorët e zonës ankohen rregullisht për cilësinë e infrastrukturës. 123 njerëz vdiqën nga përmbytjet në Jeddah në vitin 2019 dhe 10 njerëz në 2021.
Ngrohja globale është shpjegimi më i mundshëm për reshjet e dendura, njoftuan javën e kaluar shkencëtarët nga rrjeti Wordles Weather Attribution (WWA).
© SYRI.net
Turqia e ekstradon të dyshuarin kryesor për vrasjen e 14-vjeçares në Shkup
Biden, Trump bien dakord për mbajtjen e debateve televizive
Blinken luan me kitarë në një bar, gjatë udhëtimit të tij të papritur në Kiev të Ukrainës
Denonco
Merrni lajmet më të fundit nga SYRI.net në çdo moment dhe kudo që të jeni!
