Profesor Nezir Kraki komentoi në edicionin e pasdites me Armela Ferkon në Syri Tv votimin kundër të mazhorancës për të miratuar rezolutën që dënon masakrën në Srebrenicë. Kraki tha se veprimi i socialistëve ishte tmerrues.
Më tej ai shtoi se qeveria shqiptare në vitet e fundit nuk i ka qëndruar besnike strategjisë që konsiston me fuqizimin e shqiptarëve apo Kosovës.
“Shqipëria ka humbur rrugën. Rama po bëhet lobues i interesave serbe edhe pranë aleatëve tanë.
Kur në Kuvendin e Shqipërisë votohet në vijë me agjendat apo gjeostrategjinë serbe, atëherë jemi duke ecur mbi kokë.
Nuk ka sqarim të logjikshëm dhe kjo nuk i falet mazhorancës.
Kur ishte fjala për anëtarësimin e Kosovës në Këshillin e Europës, Rama gati sa nuk i kërkoi falje Serbisë që këtë herë nuk rreshtohemi në krah juve.”-tha Kraki.
Profesor Kraki komentoi edhe takimin e Ramës me liderët e Ballkanit Perëndimor, ku u shfaq mes Vuçiç dhe Milorad Dodik.
"Në atë foto, kryeministri i Shqipërisë, flet për foto familjare. Mes Vuçiçit, ministër i Millosheviçit, dhe Dodik, fashisti më brutal nga idetë, veprimet.
Dodik mobilizohet ditë e natë në 20 vitet e fundit për ta zhbërë Bosnjën, për ta kthyer në Serbi. Rama i konsideron familje."-tha Kraki.
© SYRI.net
Ukrainasit sërish sulmojnë me dron një rafineri nafte në Rusi
Diskutimi me Blinken/ Netanyahu nuk bindet: Lufta nuk do të ndalet në Gaza! 
Protestat pro-palestineze në universitetet amerikane, rreth 300 të arrestuar në New York
Denonco
Merrni lajmet më të fundit nga SYRI.net në çdo moment dhe kudo që të jeni!
