Ish-kryeministrat e Britanisë Toni Bler dhe Sir John Major i kanë kërkuar parlamentit të hedhë poshtë projekt-ligjin e propozuar nga Boris Johnson për një tërheqje nga BE pa marrëveshje.
Kryeministri ka thënë se Bashkimi Evropian po kërcënon të vendosë një kufi doganor në Detin Irlandez, duke ndarë Irlandën e Veriut nga pjesa tjetër e Mbretërisë së Bashkuar.
Z. Bler dhe Sir John e kanë akuzuar qeverinë për "turpërimin" e Mbretërisë së Bashkuar.
Projekt-ligji i Tregut të Brendshëm do të debatohet në Commons të hënën.
Projekt-ligji do të ishte në kundërshtim me Marrëveshjen e Tërheqjes, të nënshkruar nga MB dhe BE në fillim të këtij viti.
Nëse projekt-ligji bëhet ligj, kjo do t'u jepte ministrave të Mbretërisë së Bashkuar kompetenca për të modifikuar ose "mos zbatuar" rregullat në lidhje me lëvizjen e mallrave midis Britanisë dhe Irlandës së Veriut që do të hyjnë në fuqi nga 1 Janari, nëse MB dhe BE nuk janë në gjendje të bëjnë një marrëveshje tregtare .
Duke shkruar në Sunday Times, Sir John dhe Z. Bler - përkatësisht ish-kryeministra konservatorë dhe laburistë - thanë se veprimet e qeverisë ishin "të papërgjegjshme, të gabuara në parim dhe të rrezikshme në praktikë".
© SYRI.net
SHBA ‘hakmerret’ për Netanjahun? Blinken paralajmëron sanksione për Gjykatën Ndërkombëtare PenaleSHBA ‘hakmerret’ për Netanjahun? Blinken paralajmëron sanksione për Gjykatën Ndërkombëtare Penale
OBSH: Mbi 14.000 të zhvendosur nga luftimet në Kharkiv
Denonco
Merrni lajmet më të fundit nga SYRI.net në çdo moment dhe kudo që të jeni!
