Presidenti i Turqisë, Recep Tayyip Erdoğan, ka sulmuar Festivalin Europian të Këngës, duke e akuzuar se inkurajon “neutralizimin e gjinive” dhe kërcënon familjen tradicionale.
Në një fjalim para kabinetit qeveritar ai i përshkroi pjesëmarrësit në Eurovizion si “Kali i Trojës së korruptimit shoqëror” dhe tha se qeveria e tij kishte të drejtë që e mban Turqinë jashtë këtij festivali prej vitit 2012.
Komentet e Erdogan duket se i referohen fituesit të këtij viti, zviceranit Nemo, i cili në këngën e tij rrëfente udhëtimin drejt përqafimit të identitetit të tij pa gjini. 24-vjeçari u bë i pari këngëtar jo binar që fiton kompeticionin.
“Në këto shfaqje është bërë e pamundur të takosh njerëz normal”, tha Erdogan. “E kuptojmë më mirë tani që kemi marrë vendimin e duhur për të mbajtur Turqinë jashtë këtij kompeticioni të turpshëm prej 12 vitesh”.
Erdogan gjithashtu përshkroi uljen e numrit të lindjeve si kërcënim ekzistencial për Turqinë dhe një katastrofë për vendin. Javën e kaluar, Instituti i Statistikave në Turqi tha se në vitin 2023 numri i lindjeve kishte rënë në 1,5 fëmijë për çdo grua. Udhëheqësi turk prej kohës i bën thirrje familjeve që të bëjnë të paktën tre fëmijë.
© SYRI.net
Kontrata kyçe që mund të ndryshojë rrjedhën e luftës në Ukrainë
NATO përforcon kufirin lindor, Scholz: Të frenojmë Rusinë!
Presidenti i El Salvadorit i thotë Donald Trump Jr.: 'Ne nuk i burgosim kundërshtarët'
Denonco
Merrni lajmet më të fundit nga SYRI.net në çdo moment dhe kudo që të jeni!
