Cili ishte ‘pasioni’ i Mbretëreshës Elizabeth?

16:00, 14/09/2022

Mbretëresha Elizabeth ishte shumë e dhënë pas kuajve dhe garave me kuaj. Në një intervistë të fundit, gazetarja Clare Balding zbuloi pse monarkja i donte kaq shumë kuajt.

“Pasioni i mbretëreshës ishin kuajt dhe qentë. Gara me kuaj ishte një nga spektaklet e saj të preferuara. Mbretëreshës i pëlqente të shkonte në stalla për të parë kuajt duke galopuar në mëngjes.’

Një nga arsyet që i pëlqente aq shumë garat me kuaj ishte sepse gjatë tyre, të gjithë sytë nuk ishin drejtuar tek ajo. “Garat me kuaj ishte një gjë kaq e preferuar për të, pasi i pëlqente të ishte jashtë vëmendjes gjatë kësaj kohe”, tha gazetarja.

Balding tha se Mbretëreshës i pëlqente shumë të fliste për sjelljen e kafshëve dhe vuri në dukje se ajo ishte një kalorëse e mahnitshme. Ajo mori mësimin e saj të parë të kalërimit në moshën 3-vjeçare dhe vazhdoi të hipte në të 90-at.

Ajo mori ponin e saj të parë nga gjyshi i saj Mbreti George V kur ishte 4 vjeç. Gjatë jetës së saj, ajo bleu rreth 180 kuaj që jetonin në stalla kryesisht në Balmoral dhe Sandringham.