Në Gjakovë dhe Deçan fillon shpërndarja e 500 ekzemplarëve të librit historiografik “Dardania – antika, mesjeta” të Jusuf Buxhovit. Ky donacion për bibliotekat rajonale të Kosovës vjen nga farmacisti Milaim Abdullahu.
Kjo veprimtari donatore ndër të rrallat ndër ne, që pritet të përmbyllet nga funi i këtij muaji, do të përcillet edhe me veprimtari përkatëse kulturore.
Kështu, në Gjakovë, pas dorëzimit të 20 ekzemplarëve të librave Bibliotekës së Qytetit “Ibrahim Rugova”, në orën 12, Shoqata e intelektualëve “Jakova”, në ambientet e hapura të “Hanit të Haraçisë” bën promovimin e librit.
Veprimtaria donatore e autorit do të vazhdojë edhe në Deçan në orën 14 në Bibliotekën e Qytetit, me ç'rast do të mbahet edhe një bisedë me intelektualët rreth librit.
© SYRI.net