Francesco Calzona nuk do të jetë më trajner i Sllovakisë, pasi palët nuk arritën marrëveshje për rinovimin e kontratës.

Federata sllovake kishte ofruar një zgjatje dyvjeçare, por negociatat dështuan për shkak të mospajtimeve mbi kohëzgjatjen e bashkëpunimit. Pas diskutimeve mes palëve, u vendos që trajneri italian të largohej nga drejtimi i kombëtares.

Calzona, i cili kishte marrë drejtimin e ekipit në gusht të vitit 2022, la pas një periudhë pozitive me rezultate të rëndësishme. Nën drejtimin e tij, Sllovakia arriti një fitore të spikatur 2-0 ndaj Gjermanisë në eliminatoret e Botërorit dhe siguroi pjesëmarrjen në fazën “play-off”.

Megjithatë, rrugëtimi drejt Botërorit u ndal, pasi skuadra u eliminua nga Kosovo me rezultatin 4-3. Ndeshja e fundit e Calzona-s në krye të ekipit ishte një fitore miqësore 2-0 ndaj Romania më 31 mars.

Një nga arritjet më të rëndësishme të tij mbetet paraqitja në UEFA Euro 2024, ku Sllovakia iu afrua çerekfinaleve për herë të parë në histori si shtet i pavarur, por u eliminua nga Anglia në fazën e 1/8-ave pas kohës shtesë.

Largimi i Calzona-s hap një kapitull të ri për kombëtaren sllovake, e cila tashmë duhet të gjejë një trajner të ri për të vazhduar projektin e saj në arenën ndërkombëtare.