Një goditje e rëndë për Barcelonën dhe trajnerin Hansi Flick: Lamine Yamal do të mungojë deri në fund të sezonit.

Ekzaminimet mjekësore kanë konfirmuar se talenti i ri katalanas ka pësuar një këputje në bicepsin femoral të këmbës së majtë. Edhe pse klubi nuk ka dhënë një afat zyrtar rikuperimi, parashikohet që ai të qëndrojë jashtë fushave për rreth katër deri në pesë javë, duke humbur kështu ndeshjet e mbetura të sezonit në LaLiga.

Megjithatë, ka edhe një lajm pozitiv për lojtarin: pjesëmarrja e tij në Kupën e Botës 2026 nuk është në rrezik, pasi turneu fillon pas më shumë se një muaji.

Mungesa e Yamalit përbën një problem të madh për Barcelonën, pasi ai është një nga lojtarët më vendimtarë në repartin sulmues. Skuadra do të duhet të përballet pa të në disa ndeshje kyçe, përfshirë përballjet ndaj Getafes, Osasunës, Realit, Alavésit, Betisit dhe Valencias, në një moment kur titulli i kampionatit është ende në lojë, pavarësisht avantazhit të rëndësishëm në renditje.

Në dhomat e zhveshjes, ky lajm është pritur me zhgënjim, duke qenë se loja sulmuese e ekipit kalon në masë të madhe nga kreativiteti dhe shpërthimi i Yamali-t.

Stafi mjekësor do të tregojë kujdes maksimal, pasi dëmtimet në këtë zonë janë delikate dhe shpesh sjellin rikthime të parakohshme nëse nuk menaxhohen si duhet. Për një lojtar me stil shpërthyes si Yamal, rikuperimi i plotë është thelbësor për të shmangur rikthime të mundshme të dëmtimit.

Barcelona shpreson të menaxhojë mungesën e tij dhe të ruajë ritmin deri në fund të sezonit, ndërsa vetë lojtari synon të rikthehet në kohë për sfidat me kombëtaren.

COMUNICADO MÉDICO

Las pruebas realizadas han confirmado que el jugador del primer equipo Lamine Yamal tiene una lesión en el bíceps femoral de la pierna izquierda.

El jugador seguirá un tratamiento conservador. Lamine Yamal se perderá lo que resta de la temporada y está… pic.twitter.com/ckPJM8K3pZ

— FC Barcelona (@FCBarcelona_es) April 23, 2026