Mesfushori i kombëtares shqiptare, Ylber Ramadani, që aktivizohet me Leçen në kampionatin italian, është përzgjedhur në formacionin më të mirë të javës në Serie A nga faqja e specializuar e statistikave “Sofascore”.

Mesfushori shqiptar luajti si titullar në sfidën e djeshme kundër Fiorentinës (përfundoi në barazim 1-1) dhe ishte një nga lojtarët më të mirë në fushë për skuadrën e Leçes.

Ramadani është përzgjedhur në formacionin e javës së Serie A dhe është vlerësuar me notën 8 nga Sofascore.