Një situatë e pazakontë ka tronditur Qatar Stars League, ku skuadra e drejtuar nga Roberto Mancini, Al Sadd, fillimisht u shpall kampione… por vetëm për një javë.

Klubi nga Katari kishte festuar titullin e 19-të në histori pas një diference prej 5 pikësh në krye të renditjes, ndërsa kishte mbetur vetëm një ndeshje deri në fund. Në atë moment, Mancini dhe skuadra e tij kishin nisur festimet, duke menduar se çështja e titullit ishte mbyllur.

Megjithatë, gjithçka ndryshoi pas një vendimi të papritur administrativ. Qatar SC kishte humbur fillimisht 0-2 ndaj Al Shamal, por më pas ndeshja u rishikua për shkak të një shkeljeje rregulloreje.

Në atë ndeshje, pas një kartoni të kuq ndaj mbrojtësit tunizian Ali Saudi, u krye një zëvendësim i parregullt me futbollistin argjentinas Franco Russo, duke shkelur rregullat e federatës. Sipas rregullores së ligës, një veprim i tillë sjell humbje në tavolinë dhe gjobë për klubin.

Pas ankesës së Al Shamal, rezultati u ndryshua nga 0-2 në 3-0 në favor të tyre, duke ngushtuar diferencën në vetëm 2 pikë në krye të tabelës.

Tani gjithçka do të vendoset në javën e fundit të kampionatit, ku Al Sadd i Mancinit do të përballet pikërisht me Al Shamal në një duel direkt për titullin kampion.

Një fund sezoni dramatik, ku festa e parakohshme është kthyer në një garë të hapur deri në sekondat e fundit.