Juventusi regjistroi një fitore të rëndësishme 2-0 ndaj Genoas në javën e 31-të të Serie A, duke u afruar në garën për zonën e Ligës së Kampionëve.

Goli i parë erdhi shpejt, në minutën e 4-t, kur Bremer shënoi me kokë të saktë në të djathtën e portës.

Vetëm 14 minuta më vonë, Weston McKennie dyfishoi epërsinë me një goditje të ulët në këndin e poshtëm të majtë.

Juventusi pati edhe raste të tjera për të zgjeruar epërsinë, përfshirë një pasim të Kenan Yildiz në minutën e 43, por McKennie goditi mbi traversë.

Në minutën e 72-të, Bremer shkaktoi penallti dhe mori karton të verdhë, por Aaron Martin nuk arriti të shfrytëzonte mundësinë, me portierin Di Gregorio që priti goditjen.

Edon Zhegrova nuk u aktivizua fare, pasi trajneri Luciano Spalletti preferoi zëvendësime të tjera.

Me këtë fitore, Juventusi ruan shpresat për të përfunduar në katërshen e parë të Serie A dhe për të siguruar një vend në Ligën e Kampionëve sezonin e ardhshëm.

Tani ekipi ka 57 pikë, vetëm një më pak se Como që gjendet aktualisht në vendin e katërt.