Arsenali ka marrë një lajm pozitiv në prag të çerekfinales së Champions League ndaj Sporting CP.

Skuadra londineze do të udhëtojë drejt Lisbonës për ndeshjen e parë, ku do të përballet me një mungesë të rëndësishme te kundërshtarët.

Kapiteni i Sportingut, Morten Hjulmand, është i pezulluar dhe nuk do të jetë në fushë.

Mesfushori danez mori kartonin e pestë të verdhë në përballjen e fundit evropiane ndaj Bodo/Glimt, duke u detyruar të mungojë në këtë sfidë vendimtare.

Kjo mungesë konsiderohet një goditje e madhe për ekipin portugez, pasi Hjulmand është një nga lojtarët kyç dhe lideri i skuadrës.

Nga ana tjetër, Arsenali vjen në këtë përballje pas një periudhe jo të mirë, duke humbur finalen e Kupës së Ligës ndaj Manchester City dhe më pas duke u mposhtur 2-1 nga Southampton në FA Cup.

Megjithatë, “Topçinjtë” shpresojnë të përfitojnë nga kjo mungesë për të hedhur një hap të rëndësishëm drejt gjysmëfinales.

Ndërkohë, vëmendje duhet të kenë edhe lojtarët e Arsenalit si Martin Zubimendi dhe Christian Norgaard, të cilët rrezikojnë pezullimin nëse ndëshkohen me kartonë të verdhë.

Për Sportingun, mungesa e kapitenit pritet të ndikojë ndjeshëm në organizimin dhe balancën e skuadrës në një ndeshje kaq të rëndësishme.