Trajneri i AF Elbasanit, Ivan Gvozdenovic, është shpallur trajneri më i mirë i muajit mars në kampionatin Abissnet Superiore. Përzgjedhja u bë nga Drejtoria Teknike e FSHF-së, ndërsa trofeu iu dorëzua nga Alban Tafaj, specialist i Departamentit të Edukimit në FSHF, para ndeshjes Dinamo City – AF Elbasani, në stadiumin ‘Air Albania’.

Gjatë muajit mars, AF Elbasani shënoi rezultate të shkëlqyera, duke fituar dy ndeshje të rëndësishme ndaj Tiranës dhe Flamurtarit, dhe barazuar një takim me Egnatian.

Ky trofe është një vlerësim për punën e palodhur të trajnerit Gvozdenovic dhe për përkushtimin e ekipit, i cili vazhdon të jetë një nga kandidatët kryesorë për titullin në kampionat.