Vedat Muriqi u bë protagonist absolut në fitoren historike të Mallorca-s 2-1 ndaj Real Madridit, e para që nga 14 vitet e fundit.

Gol i minutave shtesë, ku Muriqi dërgoi topin në rrjetë me një goditje të fuqishme, la portierin Andriy Lunin të pafuqishëm dhe e bëri sulmuesin kosovar të shpërthente në lot. Pas një periudhe të vështirë emocionale, ku ai u sulmua nga tifozët për akuzat se “i shiti taktikat” te Turqia, Muriqi nuk mundi t’i ndalonte lotët.

Goli i Muriqit

Në momentin kur ra në gjunjë nga emocionet, pranë tij iu afrua bashkëlojtari Mojica, i cili u dëgjua duke bërtitur “Për Kosovën”, duke lënë të kuptohet se ky gol ishte dedikim për vendin tonë.

Për performancën e tij, Muriqi u shpall edhe “Lojtari i Ndeshjes”, ndërsa ky ishte goli i 19-të i tij në LaLiga këtë sezon, vetëm katër pas liderit Kylian Mbappé. Ky moment i veçantë konfirmon ndikimin e jashtëzakonshëm të Muriqit për Mallorca-n dhe emocionin e madh që ai sjell jo vetëm për klubin, por edhe për Kosovën.

❤ Las lágrimas de @MuriqiVedat son las lágrimas de todo el @RCD_Mallorca.

MallorcaRealMadrid | LALIGAHighlights | LALIGAEASPORTS pic.twitter.com/bwDIf181gz

— LALIGA (@LaLiga) April 4, 2026