Italia është vetëm një hap larg Botërorit 2026, ku sfida e fundit për kualifikim do të jetë ndaj Bosnjës, një kombëtare e respektuar dhe përfaqësuese e një populli me histori të pasur. Megjithatë, në letër, Bosnja duket dukshëm më e dobët se Italia, një tregues që konfirmohet edhe nga vlera e kartonëve të lojtarëve të të dy ekipeve.

Sipas Transfermarkt, të 24 lojtarët e përzgjedhur nga trajneri Sergej Barbarez kanë një vlerë totale prej 120 milionë eurosh. Për krahasim, kjo është e barabartë me vlerën e dy mbrojtësve të Italisë, Alessandro Bastoni dhe Federico Dimarco, të cilët së bashku kapin të njëjtën shumë, 70 dhe 50 milionë euro.

Kjo statistikë i jep Italisë një arsye më shumë për të besuar te suksesi dhe kualifikimi drejt Botërorit, edhe pse sfida në fushë pritet të jetë e vështirë dhe e luftuar.