Fundjava e fundit ka qenë plot emocione për futbollistin e Lecce-s, Lameck Banda. Pas momentit të madh të frikës gjatë ndeshjes ndaj Napolit, historia e tij përfundoi me një lajm shumë të bukur: lindjen e vajzës së tij të parë.

Sulmuesi nga Zambia kishte shqetësuar tifozët dhe stafin e ekipit pasi pësoi një problem shëndetësor gjatë sfidës Napoli-Lecce, duke u rrëzuar në fushë dhe duke krijuar një moment paniku në stadium. Ai u dërgua menjëherë për kontrolle mjekësore në spitalin Ospedale Cardarelli.

Fatmirësisht, gjendja e tij rezultoi e stabilizuar dhe Banda doli nga spitali shumë shpejt. Por surpriza më e bukur erdhi menjëherë pas kësaj, pasi ai arriti të kthehej në Lecce pikërisht në kohë për të përjetuar një moment shumë të rëndësishëm në jetën e tij personale: lindjen e vajzës së tij të parë, Rumi Ezlyn.

Klubi i Lecce-s reagoi me një mesazh të ngrohtë përmes një komunikate zyrtare, duke përgëzuar futbollistin dhe partneren e tij për këtë ngjarje të veçantë. “Historia e mrekullueshme e Banda-s: pasi la spitalin Cardarelli në Napoli, ai arriti në Lecce në kohë për lindjen e vajzës së tij të parë, Rumi Ezlyn. I gjithë klubi përqafon Lameck dhe partneren e tij në këtë ditë të mrekullueshme”, thuhej në deklaratë.

Kështu, një fundjavë që nisi me frikë të madhe për shëndetin e lojtarit u mbyll me një moment të paharrueshëm gëzimi për familjen e tij.