Në një ndeshje vendimtare të Premier League-s, Arsenali arriti një fitore 2-0 në minutat e fundit ndaj Evertonit, duke thelluar përkohësisht avantazhin në krye të tabelës në 10 pikë dhe duke ruajtur serinë prej shtatë ndeshjesh pa humbje ndaj Toffees.

Ndeshja ishte e hapur dhe konkurruese që nga fillimi. Declan Rice pasoi te Noni Madueke, por Jordan Pickford shpëtoi portën. Arsenali kishte disa raste të tjera, me përpjekje të Riccardo Calafiori-t, Bukayo Saka dhe Eberechi Eze, të cilat nuk gjetën rrjetën. Në anën tjetër, Evertoni krijoi rreziqe, duke përfshirë një gjuajtje të Dwight McNeil që u ndal nga shtylla, si dhe disa ndërhyrje vendimtare nga portieri David Raya. Arsenali humbi Jurriwn Timber për shkak të dëmtimit në minutën e 38-të, ndërsa Iliman Ndiaye shpëtoi portën e Evertonit para pushimit.

Në pjesën e dytë, pas një serie ndryshimesh nga Mikel Arteta, përfshirë aktivizimin e Viktor Gyökeres dhe Gabriel Martinelli-t, ishte minuta e 89-të kur erdhi goli i parë: Pickford humbi topin nga një krosim i Max Dowman, topi devijohet nga Piero Hincapié dhe shkon te Gyökeres, i cili shënon. Por momenti historik u arrit disa çaste më vonë: 16-vjeçari Max Dowman shënoi golin e tij personal, duke u bërë lojtari më i ri që shënon në histori të Premier League.

Kjo fitore, e katërta radhazi për Arsenalin në Premier League dhe i jep një avantazh të madh para ndeshjes së Manchester City kundër West Ham. Evertoni pësoi humbjen e parë pas tri ndeshjeve pa humbje.

Kjo ndeshje do të mbahet mend për golin historik të Dowman dhe kontributin vendimtar të tij nga stoli.