Real Madridi konfirmoi zyrtarisht se Kylian Mbappé nuk do të jetë në dispozicion për ndeshjen e kthimit të Champions League ndaj Benfica-s. Sulmuesi francez nuk mund të luajë për shkak të një dëmtimi në gjurin e majtë, që e ka shqetësuar që nga 7 dhjetori, në sfidën kundër Celta-s.

Trajneri i klubit, Arbeloa, pranoi se Mbappé ka bërë përpjekje të mëdha për t’u rikthyer, por dëmtimi kërkon pushim: “Ka bërë përpjekje javë pas jave… por duhet të pushojë,” deklaroi ai. Sulmuesi nuk do të jetë as në ndeshjen e së hënës kundër Getafes, ndërsa pritet të rikthehet për sfidën e La Liga-s ndaj Celta-s.

Lista e Real Madridit për ndeshjen ndaj Benfikës përfshin katër lojtarë të akademisë: Thiago, Manuel Ángel, Cestero dhe Palacios. Mbappé ka luajtur thuajse të gjitha ndeshjet që nga dëmtimi, duke munguar vetëm në disa takime specifike si kundër Betisit, në gjysmëfinalet e Superkupës, dhe ndeshjen e Albacete-s, ndërsa në pjesën tjetër ka qenë aktiv në 90 minuta për çdo ndeshje.

Kjo mungesë e Mbappé-së vjen në një moment vendimtar, me sfidat e Champions League dhe përgatitjet për Botërorin 2026 që shtojnë presionin mbi sulmuesin dhe skuadrën.

📋✅ ¡Nuestros convocados!
🆚 @SLBenfica pic.twitter.com/kYcAnXtqNy

— Real Madrid C.F. (@realmadrid) February 25, 2026