Juventusi ka marrë kontrollin e plotë të ndeshjes ndaj Benfica-s, duke kryesuar 2-0 falë dy golave të realizuar në pjesën e dytë.
Avantazhi i parë erdhi në minutën e 55-të, kur Khephren Thuram realizoi pas një aksioni individual të shkëlqyer. Mesfushori francez depërtoi në zonë dhe me një goditje të fortë e të saktë e dërgoi topin në këndin e poshtëm të majtë të portës, pa i lënë asnjë shans portierit Anatoliy Trubin.
Në minutën e 64-të, bardhezinjtë dyfishuan shifrat pas një aksioni model të ndërtuar në grup. Jonathan David shërbeu saktë për Weston McKennie, i cili u gjend i lirë në zonë dhe me një finalizim elegant e ndali topin në rrjetë, duke vulosur rezultatin 2-0 për Juventusin.
Në takimet e tjera, Liverpooli fitoi 2-0 në fushën e Marsejës, Newcastle mposhti 3-0 PSV-në, ndërsa Atalanta – Bilbao u mbyll 2-3. Ndërkohë Chelsea-t i mjaftoi një gol për të marrë tri pikë përballë Pafos-it.
© SYRI.net
Botërori 2026/ Kongo mbërrin në SHBA pas izolimit 21 ditësh për shkak të Ebolës
Njoftimi i parë i VAR në Botëror po bën xhiron në internet, gjyqtari Sampaio ngec me anglishten
VIDEO/ Zhgënjen Çekia, Koreja e Jugut e mposht me përmbysje në një pjesë të dytë dramatikeBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
