Manchester City pësoi një humbje të thellë 3-1 në fushën e Bodo/Glimt në ndeshjen e Champions League, në një klimë të acartë ku edhe emra të tjerë të rëndësishëm të futbollit e pasur të vështirë për të marrë rezultat pozitiv. Ndeshja u zhvillua në temperatura ekstreme dhe “Qytetarët” përfunduan me 10 lojtarë pas daljes me karton të kuq të Rodri-t në minutën e 62-të, pas një të verdheje të dytë për ndërhyrje të gabuar.

Bodo/Glimt nisi furishëm dhe gjeti golin e parë në minutën e 22-të. Kasper Høgh shënoi me kokë pas një asistimi perfekt nga Ole Blomberg, duke e dërguar skuadrën vendase në avantazh 1-0. Vetëm dy minuta më vonë, Høgh shënoi përsëri, këtë herë pas një goditjeje spektakolare brenda zonës pas një topi të lëshuar nga Blomberg, duke çuar rezultatin në 2-0.

Në minutën e 58-të, Jens Hauge vulosi fitoren për Bodo/Glimt me një goditje fantastike në cepin e sipërm të djathtë, 3-0, një moment që i la pak shpresë Manchester City-t. Megjithatë, Rayan Cherki arriti të shënonte golin e nderit për Manchester City-t në minutën e 60-të, duke shfrytëzuar një asist perfekt nga Nico O’Reilly, por goli nuk mjaftoi për të ndryshuar rezultatin.

Megjithatë, humbja nuk e përjashton Manchester City nga faza tjetër e kompeticionit. Me një fitore në ndeshjen e fundit ndaj Galatasaray-t, skuadra e Pep Guardiolës mund të ruajë vendin e saj në top-8.