Eintracht Frankfurti ka vendosur të ndajë rrugët me trajnerin Dino Toppmöller, pas barazimit spektakolar 3–3 ndaj Werder Bremen-it të premten. Vendimi është bërë zyrtar dhe vjen si rezultat i një analize të thelluar sportive dhe strukturore të javëve të fundit.

Sipas klubit gjerman, fillimi i vitit kalendarik ka qenë zhgënjyes, me vetëm dy pikë të grumbulluara në tri ndeshje: barazimi 3–3 ndaj Borussia Dortmund-it, humbja 3–2 kundër Stuttgartit dhe barazimi i fundit në Bremen. Ky bilanc ka bindur drejtuesit se ekipi kishte nevojë për një shtysë të re.

Toppmöller, 45 vjeç, ka drejtuar Eintrachtin për dy vjet e gjysmë, duke qenë në stol në 121 ndeshje dhe duke e çuar klubin për herë të parë në UEFA Champions League falë pozicionit në kampionat. Drejtori sportiv Markus Krösche e ka vlerësuar punën dhe përkushtimin e tij, por ka theksuar se rënia e fundit e rezultateve e ka bërë të domosdoshëm ndryshimin.

Nga ana e tij, Toppmöller ka deklaruar se e pranon vendimin, duke shprehur krenarinë për arritjet e përbashkëta dhe duke i uruar klubit më shumë qetësi dhe suksese në të ardhmen.

Përkohësisht, drejtimin e skuadrës do ta marrin trajneri i U21, Dennis Schmitt, dhe ish-sulmuesi Alexander Meier. Ndeshja e radhës për Frankfurtin do të jetë në transfertë ndaj Qarabağ-ut, në Champions League.

Eintracht Frankfurt and Dino Toppmöller part ways with immediate effect.

This decision follows a comprehensive sporting and structural analysis over the past few weeks. Thank you for your commitment and all the best for your future, Dino! 🤝#SGE pic.twitter.com/Z11G2OAvPA

— Eintracht Frankfurt (@eintrachtint) January 18, 2026