‘Magjia’ e ‘El Clasicos’ në Arabinë Saudite, fitore dramatike e Barcelonës ndaj Realit në Superkupën e Spanjës

‘Magjia’ e ‘El Clasicos’ në Arabinë Saudite, fitore dramatike e Barcelonës ndaj Realit në Superkupën e Spanjës

22:15, 11/01/2026

Barcelona e ka fituar sërish Superkupën e Spanjës, duke mposhtur në finale rivalin e përbetuar, Real Madrid.

“El Clasico” si gjithnjë ishte tepër e zjarrtë, me të dy skuadrat që rrezikuan nga fillimi, ku rezultati përfundimtar rezultoi të jetë 3-2.

Barcelona fillimisht dominoi në posedim për të krijuar rastet më të rrezikshme, mirëpo që dështonin t’i konkretizonin.

Ishte Raphinha që e zhbllokoi epërsinë me një supergol pas asistimit të Fermin Lopez (36’).

Sidoqoftë, Reali u kthye në lojë falë Vinicius Jr që shënoi një gol të bukur (45+2’).

Barcelona megjithatë riktheu shpejtë epërsinë përmes Robert Lewandowskit, që shënoi me një parabolë të bukur pas asistimit të Pedrit (45+4’).

Por, Reali arriti të shënojë prap. Në aksionin e fundit, Gonzalo Garcia shënoi pas një topi të kthyer nga rivënia këndore (45+6’).

Heroi i Barcelonës rezultoi të jetë Raphinha, i cili realizoi një tjetër supergol – ku këtë herë goditja e fuqishme iu devijua nga Asencio dhe përfundoi brenda rrjetës (73’).

Barcelona në kohë shtesë edhe mbeti me një lojtar më pak si pasojë e një ndërhyrje të rëndë të De Jong te Mbappe (90+1’).

Sidoqoftë, Reali nuk i shfrytëzoi dy raste të arta në kohën shtesë – ku si Asencio edhe Carreas dështuan nga afërsia.

Kësisoj, Hansi Flick e mban rekordin e mrekullueshëm si të pamposhtur në finale.

 

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco