Derbi i kryeqytetit mes Tiranës dhe Partizanit, i planifikuar të luhet më 7 dhjetor në kuadër të javës së 15-të të Superiores, ka marrë sot një zhvillim të rëndësishëm. Bardheblutë kanë vendosur të surprizojnë tifozët duke zyrtarizuar, plot 9 ditë para ndeshjes, stadiumin ku do të zhvillohet sfida e shumëpritur.

Klubi njoftoi se derbi do të luhet në “Air Albania Stadium”, ndërsa paralelisht janë hapur edhe shitjet e biletave për këtë supersfidë, që konsiderohet jetike për objektivat e të dyja skuadrave.

Çmimet e biletave për derbin

Tirana ka publikuar edhe tarifat zyrtare për sektorët e ndryshëm të stadiumit:

• Tribunat S dhe N (pas porte): 500 lekë të reja
• Tribuna E: 1000 lekë të reja
• Sektoret e sipërm: nga 3000 lekë të reja
• Tribuna VIP: 5000 lekë të reja

Interesi për ndeshjen pritet të jetë shumë i lartë, ndërsa klubi bardheblu synon të krijojë atmosferën më të zjarrtë të sezonit në “Air Albania”, teksa përgatiten për një nga sfidat më vendimtare të kampionatit.

View this post on Instagram

A post shared by KF Tirana (@kftirana.al)