Ndërhyrja e tmerrshme dhe imazhet e kyçit të tij të këmbës së dëmtuar bënë që të mendohej për më të keqen. Por gjërat kanë ndryshuar, testet e fundit kanë dhënë shpresë.

Dëmtimi i Achraf Hakimi mbetet serioz, por mbrojtësi maroken i PSG-së mund të jetë në gjendje t’u bashkohet shokëve të ekipit në ekspeditën e Kupës së Kombeve të Afrikës këtë dimër.

Trajneri i Marokut, Walid Regragui, foli për shanset e kapitenit të tij për t’u rikuperuar: “Hakimi do të jetë me ne për Kupën e Afrikës, brenda dhe jashtë fushës. Nëse ka një lojtar që mund të rikuperohet shpejt nga dëmtimi, ai është Achraf. Jam i bindur. Do ta luajë vetëm kur të jetë 100% i gatshëm”.