Luçiano Spaleti u prezantua sot te Juventusi në një konferencë për shtyp që do të shërbejë gjithashtu si një mundësi për të diskutuar çështjet e para teknike dhe taktike, duke pasur parasysh se nesër është rikthimi i sezonit.

Debutimi i tij do të jetë në orën 20:45 për ndeshjen së shtunës kundër Kremonezes.

Ndjesia e parë bardh e zi…

Janë ndjenja të mrekullueshme sepse të gjithë e dimë historinë e këtij klubi, të gjithë e dimë se si është i organizuar ky klub, e dimë se ka pritje të larta, dimë shumë gjëra, por të përfshihesh dhe të kesh kontakt të drejtpërdrejtë është gjithmonë një ndjenjë e mrekullueshme.

Mendoj se është e lehtë, dëshira për ta rikthyer këtë klub në nivelet më të larta mbizotëron, edhe pse kam respekt absolut për këtë renditje, respekt për punën që ka bërë Tudor, të cilin e përshëndes ngrohtësisht sepse pata mundësinë ta njihja dhe isha i sigurt nga njohja e tij se është një person i mrekullueshëm dhe një profesionist i vërtetë.

Pra, jam i sigurt se do të gjej një ekip në gjendje të mirë mendore dhe të stërvitur mirë pikërisht për shkak të profesionalizmit të atyre që më paraprinë. Natyrisht, duhet të punojmë shumë për të pasur mundësinë të arrijmë ato ambicie dhe atë që u tha më parë”, tha tekniku i ri i bardhezinjve.