Klubi i Flamurtarit të Vlorës ka prezantuar sot trajnerin e ri, Francesko Moreiro, i cili do të marrë drejtimin e skuadrës pas largimit të spanjollit Garsia. Italiani Moreiro rikthehet në futbollin shqiptar pas eksperiencës së tij me Laçin, ku la përshtypje të mira për stilin e disiplinuar dhe organizimin taktik të ekipit.

Ai e gjen Flamurtarin në një situatë të vështirë, me vetëm dy pikë në renditje dhe në vendin e fundit të kampionatit, çka e bën detyrën e tij një sfidë të madhe. Në prezantimin e tij, drejtuesit e klubit shprehën besimin se ardhja e Moreiros do të sjellë “frymë të re, profesionalizëm dhe stabilitet në skuadër”.