Jack Grealish ka folur për herë të parë pas transferimit të tij tek Evertoni në formë huazimi nga Manchester City për sezonin 2025–2026.

Ai shprehu entuziazmin e tij për këtë hap të ri në karrierë dhe vlerësoi tifozët e Evertonit për pasionin e tyre.

Grealish theksoi rëndësinë e këtij transferimi për të rikthyer formën e tij më të mirë dhe për të siguruar një vend në skuadrën e Anglisë për Kupën e Botës 2026.

Një detaj interesant është zgjedhja e numrit 18 në fanellë, si një homazh për idhujt e tij, Uejn Runi dhe Pol Gaskonj, të cilët e kanë mbajtur këtë numër gjatë kohës së tyre tek Everton.

Grealish zbuloi se kishte biseduar me Runin për këtë zgjedhje, duke theksuar lidhjen e tij personale me këtë numër.

Pas një periudhe me pak minuta loje te Manchester City, Grealish shpreson që nën drejtimin e trajnerit David Mojes të rigjejë lirinë dhe kreativitetin që e karakterizonte në fillimet e tij. Ky transferim shihet si një mundësi për të rikthyer “shkëndijën” që e bëri atë një nga lojtarët më të dashur për tifozët anglezë.